అల్-ఫలఖ ్ఎడుకేషనల్ & చారిటబుల్ ట్రస్ట్ (AFECT) రిజిస్టర్ చేయబడిన, విద్యా వ్యాపకధర్మ సంస్థ. డాక్టర్ అబ్దుల్ రహీమ్ మౌలానా, ఈ సంస్థయొక్క స్థాపకులు మరియు అధ్యక్షులు. ఈ సంస్థ జులై 2 002లో సథాపించబడింది. ఈ సంస్థ యొక్క ముఖ్య లక్ష్యం, ఇస్లాంను దాని నిజరూపంలో ప్రదర్శించి, ప్రజలలో దివ్యఖుర్ఆన్ మరియు ఇస్లాం పట్ల ఉన్న తప్పుడు అభిప్రాయాలను తొలగించటానికి ప్రయత్నించడం.

లక్ష్యం మరియు ఉద్దేశాలు:

• ఆదరణీయులైన ప్రవక్తల, సందేశహరుల అందరి పై మరియు చివరి సందేశహరుడైన ముహమ్మద్ పై శాంతి మరియు శుభాలు వర్షించుగాక! మహా ప్రవక్త (’స’అస) అన్నారు:
((’ఖైరుకుమ్ మన్ త’అల్లమ అల్-ఖుర్ఆన వ ’అల్లమహ్))
“మీలో ఖుర్ఆన్ ను నేర్చుకొని, దానిని (ఇతరులకు) నేర్పేవారు, ఉత్తములు.”


• అల్-ఫలఖ్ ఎడుకేషనల్ & చారిటబుల్ ట్రస్ట్ (AFECT) ఒక విద్యా వ్యాపక ధర్మ సంస్థ దీని ముఖ్య లక్ష్యం, వీలైనంతవరకు, దివ్య ఖుర్ఆన్ యొక్క అనువాదాలను ప్రజలలో పంచి, అల్లాహ్ (సు.తా) యొక్క అంతిమ సందేశాన్ని ప్రజలందరికీ అందించడం. ఇస్లాంను దాని నిజరూపంలో ప్రదర్శించి, ప్రజలలో దివ్యఖుర్ఆన్ మరియు ఇస్లాం పట్ల ఉన్న తప్పుడు అభిప్రాయాలను తొలగించటానికి ప్రయత్నించడం. దీని కొరకు మేము దివ్యఖుర్ఆన్ ను తెలుగు మరియు ఇతర భాషలలో, ప్రింట్, ఆడియో, విడియో మరియు ఇతర మీడియాల ద్వారా అందజేయటానికి - భౌతికంగా మరియు ఆర్థికంగా మాకు సాధ్యమైనంతవరకు - ప్రయత్నిస్తున్నాము.
• దీని మరొక ఉద్దేశం సహీ హదీసులను (మహాప్రవక్త ’స.అ.స. ప్రవచనాలను) కూడా తెలుగు మరియు ఇతర భాషలలో, ప్రింట్, ఆడియో, విడియో మరియు ఇతర మీడియాల ద్వారా మాకు - భౌతికంగా మరియు ఆర్థికంగా సాధ్యమైనంతవరకు - అందజేయటం.
• మేము అరబ్బీ-తెలుగు నిఘంటువును తయారు చేయడం ప్రారంభించాము. ఇంతవరకు ఇలాంటి నిఘంటువు మార్కెట్ లో లేదు.
• మేము అరబ్బీ వ్యాకరణాన్ని, తెలుగు భాషలో వ్రాస్తున్నాము.
• మేము దివ్యఖుర్ఆన్ మరియు సహీహదీసులను (మహాప్రవక్త ’స.అ.స. ప్రవచనాలను) మాకు సాధ్యమైనంతవరకు ఆంధ్రప్రదేశపు దూరదూర ప్రాంతాలలో ఉన్న చిన్నచిన్న గ్రామాలకు అందజేస్తున్నాము. మాకు దాదాపు 78,000 గ్రామాలు మరియు 80,000,000 (ఎనివిది కోట్ల) ప్రజలకు దివ్యఖుర్ఆన్ గ్రంథాన్ని, అందజేయవలసి ఉన్నది. ఇంతవరకు మేము 30,000 (ముఫ్ఫైవేలు), డా. అబ్దుల్ రహీమ్ మౌలానా అనువదించిన, “దివ్యఖుర్ఆన్ సందేశం” గ్రంథమును ప్రజలలో పంచాము. ప్రతి గ్రామానికి ఒక దివ్యఖుర్ఆన్ ఇవ్వాలన్నా, కనీసం 100,000 (ఒక లక్ష) గ్రంథాలు కావాలి.
• మేము 1. “దివ్యఖుర్ఆన్ సందేశం” గ్రంథాన్ని, 2. “దివ్యఖుర్ఆన్ సందేశం” MP3 - CD తెలుగులో, 3. “దివ్యఖుర్ఆన్ సందేశం” MP3 - DVD అరబ్బీ-తెలుగులో, 4. “దివ్యఖుర్ఆన్ సందేశం” అరబ్బీ-తెలుగు, ఆడియో-విడియో CD కంప్యూటర్ల కొరకు, మరియు 5. “దివ్యఖుర్ఆన్ సందేశం” అరబ్బీ-తెలుగు, ఆడియో-విడియో DVD ఇండ్లలో నడిచే వ్యూ C.D. ప్లేయర్ల కొరకు, వీలైనంతవరకు ఉచితంగా పంచుతున్నాము.
• మేము ప్రస్తుతం10(పది) చిన్న, చిన్న గ్రామాలలో ఖుర్ఆన్-అరబ్బీ మరియు అహాదీసులు నేర్పే పార్ట్-టైమ్ పాఠశాలలను నడుపుతున్నాము. ఇది ప్రజలలోని నిరక్షరాస్యతను దూరం చేసి వారిని మంచి పౌర్వికులుగా చేయటానికి సహాయపడగలదు. మాకు ఆర్థికసహాయం దొరికితే, మేము ఇంకా ఇతర గ్రామాల్లో కూడా ఇలాంటి పాఠశాలలను ఏర్పాటుచేయగలము.
• ఈ పుణ్య కార్యాలలో మీరు పాల్గొంటారని ఆశిస్తున్నాము.

ఒక్క “దివ్యఖుర్ఆన్ సందేశం” గ్రంథం , కేవలం 200 రూపాయల (US $ 5/-)కు మాత్రమే.

డా. అబ్దుల్ రహీమ్ మొహమ్మద్ మౌలానా, దిర్సంపల్లి గ్రామం, దోమ మండలం, రంగారెడ్డి జిల్లా, ఆ.ప్ర. ఇండియాకు చెందినవారు. అతని తండ్రి గ్రామాధికారి (పోలీసు పటేలు). అతను ఇంటర్ మీడియట్ వరకు తెలుగు మీడియంలో చదివారు. M.B.,B.S. మరియు M.S. (Gen.Surg.) ఉస్మానియా యూనివర్సిటీ, హైదరాబాద్, ఇండియా, నుండి పూర్తి చేశారు. అతను 1975 C.E. (1395 H) లో డాక్టర్ గా పని చేయటానికి, కింగ్ అబ్దుల్ అజీజ్ హాస్పిటల్, మక్కా ముకర్రమాకు వచ్చారు. అతనువియన్నా (ఆస్ట్రియా) నుండి నెఫ్రాలోజీ (Nephrology) లో ఉత్తమ డిగ్రీ తీసుకున్నారు. 1978C.E.(1398 H.)లో మక్కాలో మొదటి డయాలైసిస్ (Dialysis) సెంటర్ ప్రారంభించారు. 1983 C.E.(1403 H.)లో,అతని కృషిని మెచ్చుకొని అతనికి సవూది ప్రభుత్వం పౌరసత్వం ఇచ్చింది. అతనికి ఒక కుమారుడు (అష్రఫ్) మరియు ముగ్గురు కుమార్తెలు ఉన్నారు. వారంతా డాక్టర్లు. అతని భార్య కూడా డాక్టర్. వారంతా అతనితో అతని ధర్మకార్యాలలో ఎంతో ఆసక్తితో పాల్గొంటున్నారు.

అతను చిన్న వయస్సునుండియే దివ్యఖుర్ఆన్ లో ఏమి వ్రాయబడి ఉందో తెలుసుకోవటానికి ఉత్సాహితుడిగా ఉండేవారు. అతను- మొట్ట మొదటి ముస్లిం అనువదించిన - మర్మాడ్యూక్ పిక్ థాల్ యొక్క దివ్యఖుర్ఆనుఇంగ్లీషు అనువాదం 1965లోచదివారు.

మక్కా చేరుకున్న తరువాత, అతను ఉమ్ముల్ ఖురా యూనివర్సిటీ ప్రొఫెసర్లు, డా. వసీవుల్లాహ్ అబ్బాస్, మరియు డా. అబ్దుల్లాహ్ అబ్బాస్ నద్వీ దగ్గర అరబ్బీ భాష చదివారు.

అతను దివ్యఖుర్ఆన్ యొక్క వివిధ అనువాదాలు, వ్యాఖ్యానాలు మరియు సహీహ్ హదీస్ లు చదివారు. ఆ తరువాత, అతను అరబ్బీలో దివ్యఖుర్ఆన్ను చదువుతూ, ప్రతి పదపు అర్థం హాష్యలో వ్రాశారు. మొదట అతను దివ్యఖుర్ఆన్ను ఇంగ్లీషులో అనువదించాలనుకున్నారు.

ఒక రోజు అతను, ఇస్లాంస్వీకరించిన ఆంధ్ర యువకులను ఆదరించటానికి చేసిన సభకు అధ్యక్షత వహిస్తూ, తెలుగులో తమ ఉపన్యాసమిచ్చారు. వారు అతని తెలుగు భాషను పొగిడారు. దానితో అతను ప్రోత్సాహపరచబడి, తెలుగు భాషలో “దివ్యఖుర్ఆన్ సందేశం” అనువాదానికి పూనుకున్నారు.

మార్కెట్ లో ఇంతవరకు అరబ్బీ-తెలుగు నిఘంటువు లేదు, కాబట్టి ఉపలబ్ధమైన అరబ్బీ-ఇంగ్లీషు, ఇంగ్లీషు-తెలుగు, తెలుగు-తెలుగు నిఘంటువుల సహాయంతో అతను తన అనువాదం పూర్తి చేశారు.

దివ్యఖుర్ఆన్ యొక్క ప్రతి ఆయత్ లోని ప్రతి అరబ్బీ పదపు ఇంగ్లీషు అర్థం వ్రాసి తరువాత దాని అన్నీ తెలుగు అర్థాలు వ్రాసి, వాటిలోనుండి అరబ్బీ పదానికి అతి సమీప అర్థం ఇవ్వగలదన్న పదాన్ని పేర్కొన్నారు. ప్రతి అరబ్బీ పదానికి ఒక భిన్న తెలుగు పదం వాడారు. ఇతర తెలుగు అనువాదాలలో ఉన్నట్లు, విభిన్న అరబ్బీ పదాలకు ఒకే తెలుగు పదం వాడకుండా జాగ్రత్త తీసుకున్నారు.

ఈవిధంగా రేయింబవళ్ళు, దినానికి 5-6 ఘంటలు డ్యూటీ తరువాత పాటుపడుతూ 12 సంత్సరాలలో దివ్యఖుర్ఆన్ సందేశంఅనువాదాన్ని పూర్తిచేశారు. అతను ఈవిధంగా పెన్సిల్ తో 3000(మూడువేల పేజీలు) A4 పేపర్ మీద వ్రాశారు. ఆ తరువాత అతను తన అనువాదాన్ని, కింగ్ ఫహద్ ఖుర్ఆన్ ప్రింటింగ్ కాంప్లెక్స్ నుండి ప్రచురించబడిన, ఇంగ్లీషు మరియు ఉర్దూ అనువాదాలతో పోల్చి, ఆ తరువాత దానిని ఐదుగురు అరబ్బీ మరియు తెలుగు, రెండూ భాషలలో నైపుణ్యమున్న విద్వాంసులతో పునర్విమర్శన చేయించారు.

దివ్యఖుర్ఆన్ సందేశం ను, కింగ్ ఫహద్ ఖుర్ఆన్ ప్రింటింగ్ కాంప్లెక్స్ మదీనా మునవ్వరా వారు కూడా తమ విద్వాంసులతో పునర్విమర్శన చేయించి, ప్రచురించారు.

దివ్యఖుర్ఆన్ సందేశం ను, అల్-ఫలఖ్ ఎజుకేషనల్ ఎండ్ చారిటబుల్ ట్రస్ట్, హైదరాబాద్, ఇండియా, వారు కూడా ప్రచురించారు.

దివ్యఖుర్ఆన్ సందేశాన్ని ఆంధ్రలో ప్రతి గ్రామానికి అందించాలని మేము ప్రయత్నిస్తున్నాము.

స్వంత ఉపయోగానికొరకు వాడుకోదలచినవారు, ఈ దివ్య ఖుర్ఆన్ సందేశమును, నెట్ నుండి ఉచితంగా డౌన్లోడ్ చేసుకోవచ్చు. కాని ఈ దివ్య ఖుర్ఆన్ సందేశమును వాణిజ్యం కోరకు ప్రచురించదలచినవారు, అనువాదకుల నుండి అనుమతి వ్రాయించి తీసుకోవాలి. పుణ్యకార్యాలకొరకు పంచడానికి ప్రచురించదలచినవారికి, ఈ దివ్య ఖుర్ఆన్ సందేశము, ప్రచురణకు అయ్యే ఖర్చులంతధరలో మాత్రమే, అంటే రూ. 200/- (రెండు వందల రూపాయలు) లేక U.S.$ 5/- (ఐదు అమెరికన్ డాలర్లకు) కావలసినన్ని కాపీలు ఉపలబ్ధం చేయబడును.

డా. అబ్దుల్ రహీమ్ మౌలానా గారి ప్రచురణలు:

• దివ్యఖుర్ఆన్ సందేశం, గ్రంథం (అరబ్బీ-తెలుగు: అనువాదం మరియు వ్యాఖ్యానం)
• దివ్యఖుర్ఆన్ సందేశం, గ్రంథం (అరబ్బీ-తెలుగు: అనువాదం మరియు వ్యాఖ్యానం) 30 భాగాలలో.
• మిష్కాతుల్ మసాబీహ్ (సహీహ్ హదీసు గ్రంథం, తెలుగు అనువాదం).
• అరబ్బీ-తెలుగు నిఘంటువు.
• అరబ్బీ వ్యాకరణం, తెలుగు భాషలో.
• దివ్యఖుర్ఆన్ సందేశం, తెలుగు MP3-CD.
• దివ్యఖుర్ఆన్ సందేశం, అరబ్బీ-తెలుగుMP3-DVD.
• దివ్యఖుర్ఆన్ సందేశం, అరబ్బీ-తెలుగు DVD, వ్యూ సి. డి. ప్లేయర్సల కొరకు.
• దివ్యఖుర్ఆన్ సందేశం, అరబ్బీ-తెలుగు C.D.,కంప్యూటర్లకొరకు.అనువాదం మరియు వ్యాఖ్యానం.
• మెడికల్ మ్యాగజీన్లలో మరియు ముస్లిం వర్లడ్ లీగ్ జర్నల్స్ లలో, ఆర్టికల్స్.